26-январь күнү университетибиздин ректору А. Э. Байсеркеевдин жана «Смарт Дженерейшн» коомдук фондунун Окуу жана тарбия иштери боюнча координатору Альшаркави Ихаб Альсаид Юсуф мырзанын катышуусунда Эл аралык Кувейт университетинин тайпалык кураторлорунун 2022-2023-окуу жылынын 1-жарымында аткарган иштери боюнча отчеттук жыйыны болуп өттү. Жыйынга катышкан жетекчилер окуу жайдын тарбия, таалим иштеринде алгылыктуу иштер аткарылып жаткандыгын айтып, бүгүнкү күндөгү ааламдашуу шартында биздин жаштардын тарбия, адеп-ахлагына өзгөчө көңүл буруу керек экендигин белгилешти.
Бул багытта Эл аралык Кувейт университети өлкөбүздө үлгүлүү окуу жай катары айтылып келээри баарына маалым.

•  

Жазгы семестрдын баштулуусу алдында 9-январдан 19-январга чейин, Кыргыз Республикасынын Билим берүү жана илим министрлигине караштуу, Республикалык билим берүү кызматкерлеринин квалификациясын жогорулатуу институту тарабынан Эл аралык Кувейт университетинин профессор-окутуучулар жааматы жана Кесиптик билим берүү бөлүмүнүн мугалим-окутуучулар жааматына «АЗЫРКЫ ЖОЖ ОКУТУУЧУЛАРЫНЫН ИЙГИЛИГИНЕ ЖЕТҮҮДӨГҮ ИННОВАЦИЯЛЫК МЕХАНИЗМДЕР ЖАНА ПРОЦЕССТЕР» аттуу семинар-тренинг өткөрүлдү.

Квалификацияны жогорулатуу курсунда:
1. Билим берүүдөгү инновациялык процесстер
2. Билим берүүнүн педагогикалык проблемалары
3. Үзгүлтүксүз кесиптик өнүгүү
4. Билим берүүнүн психологиялык жана практикалык аспектилери
5. Билим берүүдө «Критикалык ой жүгүртүү» технологияларын колдонуу
6. Эмоционалдык интеллект
7. Билим берүүнүн сапатын башкаруунун методдору жана стратегиялары
8. Диндердин өнүгүү тарыхы
9. Инновациялык окутуудагы стратегиялар- темалары Кыргыз Республикасынын Билим берүү жана илим министрлигине караштуу, Республикалык билим берүү кызматкерлеринин квалификациясын жогорулатуу институтунун лекторлору тарабынан мыкты денгээлде өтүлдү.
Эл аралык Кувейт университетинин профессор-окутуучулар жааматы жана Кесиптик билим берүү бөлүмүнүн мугалим-окутуучулар жааматы квалификацияны жогорулатуу курсунда, билим берүүнүн сапатын башкаруунун методдорун талкуулоолоодо, педагогикалык проблемаларды талдоодо жана башка маселелерде өз пикирлери менен бөлүшүп, сунуш-пикирлерин айтып, активдүү катышты.

•  

2022-жылдын 6-декабрында Эл аралык Кувейт университети менен Коммерциялык эмес акционердик коому «М.Дулати атындагы Тараз аймактык (мамлекеттик) университеттин» ортосунда «Кызматташтык боюнча» Меморандумга кол коюлду.

Меморандумдун предмети болуп алдыңкы окутуучулар жана илимпоздору, докторант, магистрант жана студенттери менен алмашууну камтыган биргелешкен илимий-техникалык өнүгүү программаларын ишке ашыруу жаатында инновациялык, илимий-техникалык жана билим берүү тармагындагы кызматташуу саналат.

•  

1. 2022-жылдын 5-декабрдан 9-декабрга чейин академиялык мобилдүүлүктүн алкагында «Экономика жана менежмент» кафедрасынын тѳмѳнкү окутуучулары

Эл аралык Тараз инновациялык институттун студенттери үчүн лекцияларын окуп, сертификаттарга ээ болушту.

•  

Ошондой эле журналистика жана социалдык-гуманитардык илимдер кафедрасынын профессору, филология илимдеринин доктору Койчуманова Нургүл Мааметовна М.Дулати Тараз аймактык университетинин «Журналистика» багытынын магистранттарына лекцияларды окуп, сертификатка ээ болду.

•