Эл аралык Кувейт университети бир студент бир көчөт программасынын алкагында көчөт отургузуу иш чарасын өткөрүүдө.

•  

13-мартта Эл аралык Кувейт университетинде студенттер тарабынан уюштурулган “Эне – өмүрдүн башаты” деген аталышта маданий иш-чара болуп өттү. Окуу жайыбыздын таланттуу студенттери өздөрүнүн ар кырдуу таланттарын көрсөтүп, мугалимдерге жана жалпы көрүүчүлөргө көңүлдүү маанай тартуулашты. Гуманитардык жана табигый илимдер факультетинин деканы Исмаилов Аскарбек Кожомбекович  бардык айымдарды жаз майрамы менен куттуктап, студенттерге жана мугалимдерге ийгилик каалады. Иш-чарада көрүүчүлөргө тарбиялык программалар тартууланып, активдүү катышуучуларга сыйлыктар тапшырылды.

•  

2023-жылдын 13-мартында Эл аралык Кувейт университетинин студенттери үчүн китеп окуу маданияты жөнүндө пайдалуу лекция окулду. Лекцияны Нарын облусунун мурдагы казысы, мотиватор Мамбетасан Ибраев окуду. Аталган иш-чарага окутуучулар жана кызыкдар студенттер катышып, китеп окуу маданиятын калыптандырууда, инсандык өнүгүү жаатында өздөрүнө пайдалуу маалыматтарды ала алышты. Окуу жайыбыздын сыйлуу коногу болгонуна жана бардык керектүү кеңештери үчүн Мамбетасан Ибраевге терең ыраазычылык билдиребиз.

•  

Бүгүн 9-мартта Эл аралык Кувейт университетинин профессор-окутуучулар жамааты көрүнүктүү коомдук ишмер, доктор, профессор Абдуллатиф Рамадан Аль-Хажерини Куран окуп эскеришти.

 Абдуллатиф Рамадан Аль-Хажери 1998-жылы Кыргыз-Кувейт университетин (азыркы Эл аралык Кувейт университетин) түптөгөн. Мындан тышкары бир канча жалпы билим берүүчү мектептерди жана жетим балдар үйлөрүн негиздеп, ошондой эле алардын сүйүктүү жана мээримдүү атасы болгон. Жакыр жана аз камсыз болгон үй-бүлөлөргө жардам кылууга ар дайым даяр эле. Ал Кувейт өлкөсүнүн жараны болгодугуна карабастан, кайрымдуулук ишмердүүлүгү Кыргызстандын калкынын жардамга муктаж бөлүгүнүн турмушун оңдоого багытталган. Берешендиги, ак көңүлдүгү менен бир жолуккан адамдын жүрөгүнөн орун алган устазыбыздын кылган иштери жана бийик адамдык сапаты ар бир таанып билген адамга үлгү болмокчу. Абдуллатиф Рамадан Аль-Хажеринин өрнөктүү өмүрү, өлкөбүздүн билим берүүсүнө жана соцалдык турмушуна кошкон зор салымы ар дайым эсибизде сакталат.

•